Life is ..............

如果你非常、極之、超級nike KOREA, 咁就唔好睇了 !!!

• 如果你唔識韓文(唔好識少少，就話自己識)，唔該你俾心機學下韓文先好過去，特別係oral。因為個邊真係得兩粒英文字，就算你英文幾叻，過到去都係廢既，冇人會appreciate你識英文，只會因為你唔識韓文而睇低你。你日常生活都會唔easy，唔係唔可以，係唔easy lor. 總有韓國人識英文，不過睇緣份lor !

• 如果你諗住搵個份糧可以完全自給自足，冇需洗老本，咁你就錯了。當然總有d工可以有成萬銀個月, 不過真係朝9晚6，一星期返足6日，都幾辛苦。你有錢，不過冇時間。如果你原本以為可以好寫意咁得閑去遊山玩水，對唔住! 可能你要先打10個月工，到last 2個月quit左份工先可以有足夠本錢去玩。

咁即係唔好揀韓國working holiday ?

唔係! 如果你:

• 有足夠老本，咁你不如唔好搵野做! 你就盡情遊山玩水、追星、嘆世界! 個人認為一個韓文程度平平既香港人，係韓國可以搵到既工不外乎係 guest house 洗廁所、duty free shop sales、人蔘店sales、紫菜鋪sales。當然仲有其它工，不過又係睇你好唔好彩，都係講睇緣份lor!
• 其實想黎讀韓文，咁的確好好，始終係韓國讀幾個月韓文，好過你係香港讀幾年。重點係韓國其實有好多專俾外國人讀既免費韓文班，正 !