Life is ..............

原來成個月冇寫blog, 係忙、定係冇咩好寫? 我都唔sure…..

10月太多事發生, 有朋自遠方來, 不亦樂乎。仲同屋企人去左郊遊、釜山。

仲有件大事﹕我轉左工!!! No more月入KRW450,000, 朝10午4, 一星期放一日既民宿女工, 冇啦啦有朋友介紹做kimchi school teacher. 月入急升百幾萬, 朝9晚6, 堅do…….until you die . 正式由社會草根階層, 升格社會低下層…….其實冇分別……因為人離鄉賤…….接受or返老家. You 諗you, 當然我….做!!!

kimchi school固名思意就係扼遊鴨錢, 俾個位佢地親手整泡菜, 同時制造就業機會俾我呢d社會低下層, 等我有工做, 唔洗餓食街頭.

當你以為自己好慘, 好可憐, 咁你不如唔好做, 因為其實有大把人想做冇得做. 公司有好幾位中國女工, 佢地係外勞, 如果你有睇過<尋找他鄉的故事> , 成件事咪就係一模一樣lor, 20來歲女仔, 為左賺錢養家, 一個人黎到韓國, 辛苦打工, 人工可以比中國高3、4 倍, 不過當中有苦自己知, 辛酸唔係人人定得住。

係佢地面前, 好多時都要小心說話, 一不小心, 傷到人, 你都唔知.

“你幾歲呀?”

“我3x “

“吓?! 為什麼你們香港人都看不出來, 我還以為你比我小”

“你幾歲呀?”

“我1988的, 我女兒、老公在中國”

“喔………”

“是不是你們都活得比較自在, 沒什麼煩惱, 所以看起來就很年青? 為什麼我們看上去比你老那麼多?”

當時我諗, 我係到做咩? 應該有更多人比我雖然呢份工. Working holiday?! 咪玩啦! 人地堅要養家, 不如你返香港做返中產啦?!